Արտգործնախարարությունից՝ Փաշինյան-Պուտին-Ալիև հնարավոր հանդիպման մասին
ԱԳՆ-ն չի շտապում պաշտոնապես հաստատել կամ հերքել նոյեմբերի 26-ին Սոչիում Փաշինյան-Պուտին-Ալիեւ հնարավոր հանդիպման մասին տեղեկությունը։ Մամուլի քարտուղար Վահան Հունանյանը «Փաստինֆո»-ի հետ զրույցում նշել է, որ երբ ձևաչափի ու տեղի մասին ձեռք բերվի համաձայնություն, կտեղեկացնեն։
«Ինչպես նախկինում ասել էինք՝ տարբեր ձևաչափով, տարբեր հանդիպումների առաջարկներ քննարկվում են և երբ որևէ համաձայնություն ձեռք բերվի ժամկետների, տեղի, ձևաչափի մասով, մենք նախօրոք, խելամիտ ժամկետներում դրա մասին կտեղեկացնենք»,- ասել է Հունանյանը։
Ավելի վաղ հայտնել էինք, որ ըստ @bagramyan26 հավաստի աղբյուրների՝ նոյեմբերի 26-ին ՌԴ նախագահ Վլադիմիր Պուտինը Սոչիում կհանդիպի Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Այս մասին տեղեկացնում է նաև գնդապետ Բորիս Ավագյանը:
