Ադրբեջանի փոխվարչապետը կայցելի Իրան. ի՞նչ բանակցություններ են սպասվում

Այսօր նախատեսված է Ադրբեջանի փոխվարչապետ Շահին Մուստաֆաևի այցն Իրան՝ բանակցություններ վարելու իրանցի պաշտոնյաների հետ, հայտնում է Mehr։ 

Մուստաֆաևը, գլխավորելով պատվիրակությունը, կիրակի կմեկնի Թեհրան՝ նավթի, ինչպես նաև ճանապարհների և քաղաքաշինության նախարարություններում հանդիպելու և բանակցություններ վարելու իրանցի պաշտոնյաների հետ։ 

Վերջերս Ադրբեջանի արտաքին գործերի նախարար Ջեյհուն Բայրամովը հայտարարել էր, որ Ադրբեջանի և Իրանի միջև բարեկամական հարաբերությունները, ինչպես միշտ, կմնան «դրական»: 

«Իրանի և Ադրբեջանի միջև կան արժեքներ, որոնք կապում են մեզ՝ որպես երկու մերձավոր հարևանների, և մենք միասին կարող ենք ծրագրեր իրականացնել մեր ժողովրդի և կառավարության բարօրության համար»,- ընդգծել է Բայրամովը։