Քաբուլից տարհանվել են Հայաստանի և ևս 4 երկրի քաղաքացիներ. ինքնաթիռը վայրէջք է կատարել
Իլ-76 ինքնաթիռները, որոնք տեղափոխել են Քաբուլից տարհանված մարդկանց, վայրէջք են կատարել մերձմոսկովյան Չկալովսկի օդանավակայանում։ Այս մասին հայտնում է РИА Новости-ն:
Տարհանումը կազմակերպել է ՌԴ ՊՆ-ն: Նշվում է, որ տարհանվել են Ռուսաստանի, Հայաստանի, Աֆղանստանի, Բելառուսի և Ուկրաինայի քաղաքացիները։
Ինքնաթիռում զինվորական բժիշկներ են եղել՝ ուղեկցելու և բուժօգնություն ցուցաբերելու համար։ Ինքնաթիռները նաև ավելի քան 36 տոննա մարդասիրական օգնություն են հասցրել Աֆղանստան։
Ընդհանուր առմամբ, նախատեսվում է Քաբուլից տարհանել 1000 մարդու, առաջին փուլում դուրս է բերվել 380-ը: Աֆղանստանից տարհանումը շարունակվում է օգոստոսի կեսերից, երբ երկրում իշխանությունը զավթեց Թալիբան ահաբեկչական շարժումը։ .
