Իրանի ԱԳՆ հայտարարությունը
Իրանը տարածաշրջանի համար վտանգավոր է համարում հայ-ադրբեջանական սահմանի լարվածությունը և մտահոգ է ռազմական գործողությունների առնչությամբ: Այս մասին հայտարարել է Իրանի արտաքին գործերի նախարարության խոսնակ Սաիդ Խաթիբզադեն՝ կոչ անելով երկու երկրներին ցուցաբերել զսպվածություն և զգուշանալ հակամարտությունն ընդլայնելուց ու իրավիճակի սրումից:
Խաթիբզադեն ընդգծել է երկու երկրների կողմից միջազգայնորեն ճանաչված սահմանները հարգելու անհրաժեշտությունն ու կոչ արել կողմերին խնդիրները լուծել երկխոսության միջոցով:
Իրանի ԱԳՆ խոսնակը նաև ասել է, որ Իսլամական Հանրապետությունը ինչպես նախկինում, այնպես էլ հիմա պատրաստ է օգնել կողմերին լուծելու վեճերը ու տարածաշրջանում հաստատելու կայունություն ու անվտանգություն:
