Մարդկային կորուստներ ունեցել ենք թե՛ մենք, թե՛ իրենք. Անդրանիկ Քոչարյան

Եթե օրվա մեջ հակառակորդն ունեցել է առավելություններ, օրվա վերջում այդ առավելությունները կորցրել է։ Մենք շատ դիրքեր հետ ենք բերել։
Մարդկային կորուստներ ունեցել ենք թե՛ մենք, թե՛ իրենք։ Մեր ԶՈՒ-ն  մտավ մարտական գործողությունների մեջ և օրվա վերջում պարտադրեց այս պահի դրությամբ հրադադար։ Ստատուս քվոն վերականգնելը, եթե ամբողջական դիրքային կորուստների բալանսի մասին է, կարձանագրենք շատ կարճ ժամանակում։ Այս մասին «Հանրային» հ/ը եթերում նշել է ԱԺ պաշտպանության և ավտանգության մշտական հանձնաժողովի նախագահ Անդրանիկ Քոչարյանը։ 

«Մեր դաշնակիցը (ՌԴ-ն- խմբ․), այնուամենայնիվ, մինչև երեկ հրադադարի ռեժիմի պահպանման հարցով երաշխավորի իր պարտավորությունները կարողանում էր իրականացնել։ Էսօր ինչ-որ բան խախտվեց, երեկ և էսօր ինչ-որ բան խախտվեց։ Բայց ես հուսով եմ, որ մեր ռազմավարական դաշնակիցը այսօր և վաղն ամբողջությամբ իր երաշխավորի կարգավիճակը կվերականգնի»,-նշել է Քոչարյանը։