Իջևանում և Ստեփանավանում հաղթել է «ՔՊ»-ն, Կապանում՝ ջախջախիչ պարտություն կրել. Մանրամասներ

Իշխող «Քաղաքացիական պայմանագիր» կուսակցությունը ջախջախիչ պարտություն է կրել Սյունիքի Կապան համայնքում։ Կապանի ՏԻՄ ընտրություններում նախնական արդյունքներով հաղթանակ է տանում «Շանթ» դաշինքի ցուցակը գլխավորող Կապանի գործող քաղաքապետ Գևորգ Փարսյանը։ Նախնական տվյալներով «Շանթ» դաշինքն ստացել է շուրջ 14000 ձայն, իսկ «Քաղաքացիական պայմանագիր» կուսակցությունն ստացել է 5587 ձայն։

Նշենք, որ ԿԸՀ տվյալներով` ընտրություններին մասնակցության ամենաբարձր ցուցանիշը եղել է Կապան համայնքում։

Տավուշի մարզի Իջևան համայնքում հաղթել է իշխող ուժի թեկնածուն՝ Արթուր Ճաղարյանը։ Ըստ արդյունքների ՔՊ-ն ստացել է 80.78%: Այս մասին հայտնում է ԱԺ «Քաղաքացիական պայմանագիր» կուսակցության պատգամավոր Վահագն Ալեքսանյանը։ 

Ըստ նրա ներկայացրած նախնական տվյալների՝
 

1. ՔՊ- 80.78%

2. Հայ հեղափոխական դաշնակցություն-15.87%

3. Անվավեր- 3.35%

Լոռու մարզի Ստեփանավան քաղաքում 6 ընտրատեղամասերի հաշվարկով առաջատարը  «Քաղաքացիական պայմանագիր» կուսակցությունն է, որի ցուցակը գլխավորում է Արմեն Գրիգորյանը։ Իշխող ուժի թեկնածուն ստանում է 1 304 ձայն, «Բարգավաճ Հայաստան» կուսակցության օգտին քվեարկել է 225 ընտրող, Հայ ազգային կոնգրեսի օգտին՝ 105: