Այսօրվա առաջնորդներից ես ամենափորձառուն եմ. իմ ժողովուրդը պետք է իմանա՝ ով ով է. Էրդողան
Թուրքիայի նախագահ Թայիփ Էրդողանը հայտարարել է, որ ճանաչում է աշխարհը, քանի որ համաշխարհային առաջնորդներից ամենափորձառուն է։ Այս մասին հայտնում է РИА Новости-ն:
«Ես ճանաչում եմ աշխարհը: Այսօրվա առաջնորդներից ես ամենափորձառուն եմ: Սա ասում եմ ոչ թե պարծենալու, այլ իմ տեղը մյուս առաջնորդների մեջ որոշելու համար: Որովհետև իմ ժողովրդի համար կարևոր է իմանալ, թե ով ով է»,- ասել է Էրդողանը Թուրքիայի հյուսիս-արևմուտքում գտնվող Չանաքքալե նահանգի երիտասարդների հետ հանդիպմանը: Հեռարձակումն իրականացվել է նրա թվիթերյան էջում:
Էրդողանը Թուրքիայի վարչապետ է դարձել 2003 թվականին այն բանից հետո, երբ նրա ղեկավարած «Արդարություն և զարգացում» կուսակցությունը հաղթեց խորհրդարանական ընտրություններում։ 2014 թվականին նա ընտրվել է Թուրքիայի նախագահ, վերընտրվել 2018 թվականին՝ երկիրը կառավարման նախագահական ձևին անցնելուց հետո։
