ՏԵՍԱՆՅՈՒԹ. Հրապարակվել են Սաակաշվիլիի՝ ապօրինաբար երկիր մուտք գործելու կադրերը
Վրացական հեռուստատեսությունը ցուցադրել է տեսանյութ, որում երևում է, թե ինչպես է նախկին նախագահ Միխեիլ Սաակաշվիլին անօրինաբար մուտք գործում երկիր։
Քաղաքական գործիչը թաքնվել էր կաթնամթերք փոխադրող բեռնատարի օդափոխման խցիկում։ Կադրերում երևում է, որ նա նյարդային վիճակում է, քրտնել է, այտերը՝ կարմրել։ Նա սպորտային բաճկոնով է, գլխարկով և բժշկական դիմակով։
Հոկտեմբերի 20-ին Վրաստանի գլխավոր դատախազությունը պաշտոնապես մեղադրանք է առաջադրել Սաակաշվիլիին՝ սահմանի ապօրինի հատման հետ կապված։
Ավելի վաղ գերատեսչությունը մանրամասներ էր հայտնել Ուկրաինայից Վրաստան Սաակաշվիլիի ժամանման մասին։ Սեպտեմբերի 28-ին՝ տեղի ժամանակով մոտավոր 23։00-ին, Փոթիի նավահանգիստ է մուտք գործել Ուկրաիայից ժամանած «Վիլնյուս» նավը, որից էլ սեպտեմբերի 29-ին՝ ժամը 01։04-ին, դուրս է եկել կաթնամթերքով բեռնված կցորդով թրեյլերը։
Նախկին նախագահին ձերբակելել են հոկտեմբերի 1-ին, Թբիլիսիում։
