Սաակաշվիլին խոստացել է «պատմել ողջ ճշմարտությունը»
Վրաստանի նախկին նախագահ Միխեիլ Սաակաշվիլին, որը գտնվում է Ռուսթավի բանտում, երկրի ղեկավարությանը կոչ է արել դատական նիստ նշանակել իր գործով, որի ընթացքում խոստանում է պատմել «ողջ ճշմարտությունն ամեն ինչի մասին»: Այս մասին գրում է РИА Новости-ն՝ հղում անելով Սաակաշվիլու ֆեյսբուքյան գրառմանը:
«Տարբեր էկզոտիկ վայրերում արված իմ տեսանյութերը տարածելու փոխարեն «իշխանություններին» խորհուրդ եմ տալիս ինձ տանել իրենց «դատարան», որ վրացի ժողովուրդը և միջազգային հանրությունը իմ շուրթերից լսեն ճշմարտությունն ամեն ինչի մասին: Թե՞ դուք ամենից շատ ճշմարտությունից եք վախենում»,- գրել է նա:
Վրացական «Իմեդի» հեռուստաալիքն ավելի վաղ Սաակաշվիլու հեռախոսից վերցված տեսակադրեր էր հրապարակել: Դրանցում երևում էր, թե ինչպես է Վրաստանի նախկին նախագահը թաքնվել բեռնատարում երկրի սահմանը հատելիս:
