ՏԵՍԱՆՅՈՒԹ․ Ուզում եմ մոտենամ, թողո՞ւմ եք․ ՊՆ նախարարը Եռաբլուրում է

Պաշտպանության նախարար Արշակ Կարապետյանը Եռաբլուր զինվորական պանթեոնում հարգանքի տուրք մատուցեց 44-օրյա պատերազմի, Ապրիլյան պատերազմի զոհերի հիշատակին։

Լրագրողների հետ զրույցում Կարապետյանն ասաց, թե ուզում է ցավակցել ու խոնարհվել բոլոր տղաների շիրիմների առջև։

«Մենք այստեղ ունենք ընկերներ պառկած, զինվորներ, անմիջական իմ ենթակաները, շատ զգացված եմ ու ամեն ինչ անելու ենք, որ այս միջավայրը լինի պանթեոն, այլ ոչ թե նմանվի գերեզմանի։ Սա մեր սուրբ տեղն է, մենք պետք է գանք, իրենց հետ ժամանակ անցկացնենք ու չհամարենք իրենց զոհված։ Այսինքն՝ զոհված են, բայց մահացած չպետք է համարենք», - ասաց ՀՀ պաշտպանության նախարարը։

Նշենք, որ զոհվածների հարազատներից ոմանք նրան էին մոտենում և ինչ–ինչ հարցերով դիմում, իսկ նախարարը վստահեցնում էր. «Կկազմակերպենք»։