Դատարանն արգելել է Դոն Պիպոյին հավաքել խաղողի բերքը, խնամել այգին
Քրեական հեղինակություն համարվող Դոն Պիպոյի բաջանաղի հայրը դիմել է Սնանկության դատարան։
Մենք տեղեկություն ենք ստացել, որ դատարանը աննախադեպ որոշում է կայացրել այդ հայցով. նա հայցի ապահովման միջոց է կիրառել խաղողի այգու բերքը չհավաքել, չջրել, չխնամել այգին։
Ինչպես հայտնում է Hraparak-ը, այս գործով զբաղվող Արթուր Ասատրյանի փաստաբաններից մեկն ասել է, որ Սնանկության դատարանում մյուս կողմից երկու հայց կա, երկուսով էլ դատարանը նման որոշում է կայացրել։
«Բաջանաղի հետ է կապված խնդիրը, մոտ մեկ միլիոն 300.000 դոլարի հափշտակության մասին է խոսքը։ Այդ գործով Արթուր Ասատրյանը և նրա հայրը՝ Օնիկ Ասատրյանը տուժող են ճանաչվել»,- ավելի վաղ լրատվականներին ասել էր փաստաբաններից մեկը։
