Լավրովն առաջարկել է միջազգային տրանսպորտային փոխադրողներին գործունեություն ծավալել Լեռնային Ղարաբաղում

ՌԴ արտգործնախարար Սերգեյ Լավրովը միջազգային ավտոփոխադրողների ասոցիացիային առաջարկել է քննարկել Լեռնային Ղարաբաղում աշխատելու հնարավորությունը, որտեղ վերականգնվում են ենթակառուցվածքները։ Այս մասին հայտնել է Ռիա Նովոստի գործակալությունը։

«Այնտեղ ներկայումս ընթանում են ակտիվ աշխատանքներ՝ ենթակառուցվածքների, ավտոճանապարհների վերականգնման ուղղությամբ։ Ուստի խնդրում եմ ուշադրություն դարձնել ադ հեռանկարային տարածքի նկատմամբ։ Այն, իմ կարծիքով, տնտեսապես կլինի շահավետ։ Բացի այդ՝ կարեւոր է, որ այդ տարածքի տնտեսական զարգացումը տեղի ունենա ռուսական կողմի մասնակցությամբ»,-ասել է Լավրովը ասոցիացիայի անդամների հետ հանդիպման ժամանակ։