Հայ-ադրբեջանական սահմանին կարևոր խոսքը մերն է. Ալիև
Ադրբեջանի նախագահը Քելբաջարի և Լաչինի շրջաններ կատարած այցի շրջանակներում հերթական անհեթեթ հայտարարություններն է արել:
Նա մասնավորապես ասել է.
«Հայ-ադրբեջանական սահմանին կարևոր խոսքը մերն է: Սա բնական է և այդպես էլ լինելու է: Այս հարցի հետ կապված, երբեմն որոշ արտասահմանյան շրջանակներ անհամարժեք մտքեր են հնչում: Մենք կանգնած ենք այն դիրքերում, որտեղ անհրաժեշտ ենք գտնում, եթե դա ինչ -որ մեկին անհանգստացնում կամ նյարդայնացնում է , ապա, ինչպես ասում են, թող գնան և ջուր խմեն»:
Նա հայտարարել է , թե ամրացնում են պետական սահմանը Քելբաջարի եւ Լաչինի ուղղությամբ.
«Այս սահմանը հայերի ձեռքում էր գրեթե 30 տարի, իսկ մայիսին, երբ ձյունը հալվեց, մենք գրավեցինք մեր դիրքերը և հաստատվեցինք Զանգեզուրում:
Սա մեր հողն է: Հայկական կողմից հնչող մտքերը բացարձակապես անհիմն են, մենք մեր սեփական հողի վրա եք: Մենք կանգնած ենք ճիշտ տեղում, կանգնած ենք այնտեղ, որտեղ անհրաժեշտ ենք գտնում, և շարունակելու ենք մնալ, եթե գտնենք, որ անհրաժեշտ է: Թող ոչ ոք չմոռանա սա: Այս պատճառով էլ, այժմ Պաշտպանության նախարարության և սահմանապահ զորքերի միջոցով սահմանի ողջ երկայնքով Մուրովդաղից մինչև Արազ գետ, կառուցվում են սահմանային ենթակառուցվածքներ, զորամասեր, մենք ամրապնդվում ենք այս սահմաններում»,-ասել է Ալիևը:
