Այլ

ՏԵՍԱՆՅՈՒԹ. ԱՄՆ-ն ժամանակավորապես դադարեցրել է Քաբուլից տարհանումը՝ թռիչքուղին մարդկանցից մաքրելու համար

ԱՄՆ-ի բանակը ժամանակավորապես դադարեցրել է Քաբուլից տարհանումը, որպեսզի թռիչքուղուց հեռացնի մարդկանց, որոնք փորձում են բարձրանալ ինքնաթիռներ կամ կախվել շասսիից: Այս մասին Reuters-ին հայտնել է…

ԱՄՆ-ի բանակը ժամանակավորապես դադարեցրել է Քաբուլից տարհանումը, որպեսզի թռիչքուղուց հեռացնի մարդկանց, որոնք փորձում են բարձրանալ ինքնաթիռներ կամ կախվել շասսիից: Այս մասին Reuters-ին հայտնել է Պենտագոնից մի աղբյուր՝ չկարողանալով հստակեցնել, թե որքան կտևի դադարը:

Վերջին 24 ժամվա ընթացքում երկրի բնակիչները փորձում էին հեռանալ Աֆղանստանից՝ դրսից կախվելով մայրաքաղաք Քաբուլի օդանավակայանից մեկնող քաղաքացիական ինքնաթիռներից կամ ամերիկյան բանակի օդանավերից: 

Տասնյակ աֆղանցիներ շրջապատում են օդանավերը և վազում դրանց հետևից: Միևնույն ժամանակ, նրանցից ոմանք փորձում են կախվել ինքնաթիռների տարբեր մասերից: 

Ավելի վաղ հաղորդվել էր, որ երկու աֆղանցիներ մահացել են Քաբուլում թռիչք իրականացնող ինքնաթիռի շասսիից կառչելիս: Աֆղանստանի բնակիչները, որոնք, նախնական տվյալներով, աշխատել են ամերիկյան զինվորականների հետ, փորձել են փախչել ինքնաթիռով: Սակայն ինքնաթիռում նրանց համար տեղ չի եղել: Փախստականները կառչել են շասսիից, սակայն վայր են ընկել, երբ ինքնաթիռը բարձրություն է հավաքել:

Կիրակի թալիբները վերահսկողություն են հաստատել Քաբուլի վրա: «Թալիբան» շարժման համահիմնադիրը հայտարարվել է Աֆղանստանի նոր նախագահ այն բանից հետո, երբ շարժումը հայտարարել է, որ քսանամյա արևմտյան օկուպացիան «ավարտվել է»:

Թեմաներ:

Այլ

Գնահատեք հոդվածը:

Դեռ գնահատական չկա

Կիսվել ընկերների հետ:

Նմանատիպ հոդվածներ

Ավելին Այլ բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8231) Միջազգային (3561) ԱՄՆ (2399) Ռուսաստան (2314) Իրան (1804) Ընտրություններ (1285) Ուկրաինա (942) Երևան (825) Իսրայել (771) Ադրբեջան (686) Փաշինյան (619) Եվրոպա (536) Ազգային ժողով (522) Ընդդիմություն (500) Թրամփ (463)

Radio Aurora

Լսել Radio Aurora

Գովազդային տարածք

300x250