Շվեդիայում կալանավորները պատանդներ էին վերցրել․ 9 ժամ բանակցություններից հետո վորջիններս հանձնվեցին՝ պահանջելով 20 քաբաբ և պիցցա
Շվեդական Էսկիլստունա քաղաքի Հելբի բանտում պատանդներ վերցնելու հետ կապված իրավիճակը հաջողությամբ է լուծվել, հանցագործները բերման են ենթարկվել, պատանդները չեն տուժել, գրում է Lenta.ru-ն:
9 ժամյա բանակցություններից հետո բանտարկյալներն ազատ են արձակել երկու պատանդին: Ոստիկանությունը կատարել է հանցագործների պահանջներից մեկը և նրանց համար գնել 20 քաբաբ եւ պիցցա: Իրավապահները, սակայն, հրաժարվել են կատարել ուղղաթիռ տրամադրելու պայմանը: Այժմ երկու հանցագործ ձերբակալված է, նրանց ներկայացված է առևանգման մեղադրանք:
Հուլիսի 21-ին Հելբի բանտի բանտարկյալներ՝ 30-ամյա Իսակ Դեվիթը և 24-ամյա Հանեդ Մահամեդ Աբդուլլահին ներխուժել էին անվտանգության աշխատակիցների սենյակ և երկու հոգու պատանդ վերցրել: Հանցագործները մեկուսացել էին սենյակում և փակել տեսախցիկները: Նրանք սպառնացել էին սպանել պահակներին ածելիով, իսկ պատանդներին ազատ արձակելու դիմաց պահանջոլ ուղղաթիռ ու 20 քաբաբ պիցցա: Երկու հարձակվողներն էլ նախկինում դատապարտվել են սպանության համար:
