Կալանավորված լինելը խոչընդոտ չէ պատգամավորական մանդատները ստանալու համար․ Մուկուչյան

Կալանավորված լինելը խոչընդոտ չէ պատգամավորական մանդատները ստանալու համար։ Այս մասին քիչ առաջ Կենտրոնական ընտրական հանձնաժողովի հրավիրած հերթական արտահերթ նիստից հետո լրագրողների հետ զրույցում ասաց ԿԸՀ նախագահ Տիգրան Մուկուչյանը։

«Մանդատները տալու վերաբերյալ արձանագրությունը արդեն իսկ կազմվեց, իսկ եթե դուք ուշադիր եղաք, ընթերցվեցին նաեւ ձեր մատնանշած պատգամավորների (կալանավորված խմբ) անունները։ Այսինքն՝ սա նշանակում է, որ հիշյալ պատգամավորները ևս ստանալու են իրենց մանդատները ու հնարավորություն ունեն իրականացնելու իրենց գործունեությունը։ Իսկ այդ գործունեության եղանակները, ձևերը արդեն կարգավորվում են այլ օրենսդրությամբ։ Հարգելի լրագրողներ, սրա վերաբերյալ մյուս հարցերի պատասխանողը ես չեմ, ես հարցին պատասխանում եմ որպես ԿԸՀ նախագահ»,- ասաց նա։