Լիբանանի վարչապետը հրաժարական է տվել
Լիբանանի վարչապետ Սաադ Հարիրին հրաժարական է տվել։ Այդ պաշտոնում նա նշանակվել էր 2020 թվականի աշնանը։Հարիրին հրաժարվել է ձևավորել նոր կառավարություն։Հաղորդում է Ռիա Նովոստին։
Այս հայտարարությունն արվել է երկրի նախագահ Միշել Աունի հետ հերթական հանդիպումից հետո, որի ժամանակ Լիբանանի առաջնորդը հերթական անգամ չի ընդունել վարչապետի ներկայացրած նախարարների կաբինետի կազմը:
«Ես հանդիպել եմ նախագահի հետ, բանակցությունները եղել են կառավարության ձևավորման շուրջ։ Մենք խոսեցինք քրիստոնյա նախարարների նշանակման և վստահության մասին: Հասկանալի է՝ դիրքորոշումն անփոփոխ է, և մենք համաձայնության չենք գա, ես հրաժարական եմ տվել՝ հրաժարվելով ձևավորել կառավարություն»,- ասել է Հարիրին:
