Ռուսաստանն ու Թուրքիան կոորդինացնում են Հայաստանի և Ադրբեջանի միջև երկխոսությանը. Լավրով

Ռուսաստանն ու Թուրքիան կոորդինացնում են Հայաստանի և Ադրբեջանի միջև երկխոսությանն ուղղված ջանքերը։ Այս մասին հայտարարել է Ռուսաստանի ԱԳ նախարար Սերգեյ Լավրովը։

Քննարկվել է նաև միջազգային այլ հարցերի լայն շրջանակ, այդ թվում՝ իրադրությունը Սիրիայում, Լիբիայում և Լեռնային Ղարաբաղում: Ինչպես հաղորդում է «Արմենպրես»-ը, այս մասին հայտնում է ՏԱՍՍ-ը:

Մևլութ Չավուշօղլուն տեղեկացրել է, որ Անկարան և Մոսկվան շարունակելու են համագործակցությունը ռուսական «Սպուտնիկ-V» պատվաստանյութի արտադրության գործում: Թուրքիայի արտգործնախարարը հավելել է, որ զբոսաշրջային այս շրջանում իրենք անելու են հնարավոր ամեն բան՝ պաշտպանելու Ռուսաստանից եկող զբոսաշրջիկների առողջությունը:

Հիշեցնենք, որ այսօր Անթալիայում տեղի է ունեցել Սերգեյ Լավրովի և Թուրքիայի ԱԳ նախարար Մևլյութ Չավուշօղլուի հանդիպումը։ Օրակարգում եղել է Ղարաբաղյան թեման կամ Հարավ-Կովկասյան իրադրությունը, Աֆղանստանն ու Ուկրաինան։