Անհետ կորած զինծառայողների ծնողները հանդիպում են պահանջում Նիկոլ Փաշինյանի հետ

Մենք սպասում ենք, որ մեզ պատասխան տան, մենք հանդիպեցինք վարչապետի օգնականի հետ, բայց կոնկրետ չասաց՝ մեզ կընդունեն, թե չէ: Մենք այստեղ պատրաստվում ենք սպասել մինչև մեզ ընդունեն։  Այս մասին այսօր լրագրողների հետ զրույցում ասացին գերիների և անհետ կորած զինծառայողների ծնողները, որոնք բողոքի ակցիա են իրականացնում կառավարության շենքի դիմաց: 

Ակցիա իրականացնող ծնողներից մեկն ընդգծեց, որ նրանց հետագա գործողությունները կախված են վարչապետի հետ հանդիպումից: 

«Կշարունակենք, թե ոչ, այդ հարցի պատասխանը կստանանք վարչապետի հետ հանդիպումից հետո, կտեսնենք նրա պատասխանը, եթե մեզ գոհացնի, ապա շատ լավ, չի գոհացնի, կշարունակվի ու ավելի շատ»,- նշեց նա: