Ակնալիճ համայնքի բնակիչները փակել են Արմավիրի մարզի ճանապարհը
Այսօր Ակնալիճ համայնքի բնակիչները փակել են Արմավիրի մարզի ճանապարհը: Ինչպես Auroranews-ին են հայտնում բողոքի ակցիայի մասնակիցները, խնդիրը ոռոգման ջուր չունենալն է: Սաստիկ երաշտ է, դաշտերն ու այգիները չորացել են: Վերջերս մարզի բնակիչների հետ հանդիպմանը ՀՀ վարչապետի պաշտոնակատար Նիկոլ Փաշինյանը խոստացել էր խնդիրը լուծել, սակայն սայլը տեղից չի շարժվել: Այսօր էլ մարդիկ որպես բողոքի նշան փակել են ճանապարհը: Մինչև մարզպետը չգա, ճանապարհը չենք բացելու, ասում են նրանք:
