Պուտինը ՌԴ ներդրումը որոշիչ է անվանել Լեռնային Ղարաբաղի հարցի կարգավորման գործընթացում
Ռուսաստանի ներդրումը Լեռնային Ղարաբաղի հակամարտության կարգավորման գործում որոշիչ էր, կարծում է ՌԴ նախագահ Վլադիմիր Պուտինը, փոխանցում է ՏԱՍՍ-ը:
«Ռուսաստանի որոշիչ ներդրմամբ հակամարտությունը Լեռնային Ղարաբաղում դադարեցվեց»,- ասել է պետության ղեկավարը չորեքշաբթի Կրեմլի կայքում հրապարակված միջազգային անվտանգության հարցերով Մոսկվայի IX համաժողովի մասնակիցներին եւ հյուրերին ուղղված տեսաուղերձում:
Պուտինը նշել է, որ ռուս խաղաղապահները հուսալիորեն երաշխավորում են խաղաղությունն ու անվտանգությունը տարածաշրջանում, շատ բան են անում մարդասիրական իրավիճակի բարելավման, տարածքների ականազերծման եւ սոցիալական ենթակառուցվածքների վերականգնման համար:
