Հայաստանը պետք է փոխի Սահմանադրությունն ու կրկին դառնա նախագահական երկիր. Արմեն Սարգսյան

Հայաստանը պետք է փոխի Սահմանադրությունն ու կրկին դառնա նախագահական երկիր: Կարծում է ՀՀ նախագահ Արմեն Սարգսյանը, փոխանցում է ՌԻԱ Նովոստին:

Սարգսյանի խոսքերով, հիմա, երբ երկիրը ղեկավարում է վարչապետը, հնարավոր չէ այն անվանել ոչ նախագահական, ոչ խորհրդարանական: Մարդիկ մեծ իշխանություն ունեն, սակայն չունեն պատասխանատվություն:

«Հայաստանը պետք է վերադառնա նախագահական կառավարմանն ու սկսի իրականացնել բարեփոխումներ, որոնք ուղղված կլինեն ապագային՝ բերելով երկիր նոր տեխնոլոգիաներ, որոնք հիմնված կլինեն արհեստական ինտելեկտի վրա, բացելով դռները հայկական մեծ սփյուռքի առաջ, որպեսզի երկիրը դառնա ավելի կանխատեսելի ու կողմնորոշված դեպի ապագան»,-ասել է նա: