Հունիսի 20-ին հայ ժողովուրդը պետք է տա հայ զինվորի հացը Մոնտե Կառլոյի կազինոյում մսխած ստահակի պատասխանը. Փաշինյան

Վարչապետի պաշտոնակատար, «Քաղաքացիական պայմանագիր» կուսակցության ընտրացուցակը գլխավորող Նիկոլ Փաշինյանն այսօր նախընտրական հանդիպումներ է ունենում Սյունիքի մարզում: 

Նիկոլ Փաշինյանը Գորիսում ընտրողների հետ հանդիպման ժամանակ ասել է, որ հունիսի 20-ին հայ ժողովուրդը և ՀՀ բոլոր ազնիվ դաշնակացականները պետք է տան դաշնակցական Պողոս Պողոսյանին Պապլավոկի զուգարանում ծեծելով սպանած ստահակի պատասխանը։ Էն դաշնակցականները, որ կքվեարկեն Պողոս Պողոսյանին սպանած ստահակների օգտին, էդ դաշնակցականներն իրավունք չունեն կրելու իրենց հերոսական նախնի քաղաքական ուժի անունը և դրոշը։ 

«Նրանք, որ սովոր են Թուրքիայի դրոշները վառել Ազատության հրապարակում, էս ընտրություններում Պողոս Պողոսյանին ծեծելով սպանողին ձայն տալով՝ այրելու են համայն հայության առաջ ՀՅԴ դրոշը»,-ասաց Փաշինյանը։ 

Նա հավելեց, որ հունիսի 20-ին հայ ժողովուրդը պետք է տա հայ զինվորի հացը Մոնտե Կառլոյի կազինոյում մսխած ստահակի պատասխանը։