Էրդողանը խոսել է Հայաստանի հետ հարաբերությունները կարգավորելու մասին

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան իրենից կախված ամեն ինչ կանի Հայաստանի հետ հարաբերությունների կարգավորման համար և Երևանին կոչ է արել համագործակցել «վեցյակի հարթակի» շրջանակներում։

«Ես Երևանին կոչ եմ անում օգտվել «վեցյակի հարթակի» (Ռուսաստան, Թուրքիա, Իրան, Վրաստան, Հայաստան և Ադրբեջան) շրջանակներում տարածաշրջանում համագործակցության հնարավորություններից։ Հայաստանի հետ հարաբերությունների կարգավորման համար կանենք մեզնից կախված ամեն ինչ»,- РИА Новости-ի հաղորդմամբ՝ Շուշիում հայտարարել է Էրդողանը։