Թուրքիան պատրաստ է աջակցել Վրաստան-Ադրբեջան-Հայաստան եռակողմ համագործակցությանը. Էրդողան

Թուրքիան Վրաստանին համարում է տարածաշրջանային համագործակցության առանցքը և պատրաստակամություն է հայտնում աջակցել ցանկացած եռակողմ ձևաչափին, այդ թվում՝ Վրաստան-Ադրբեջան-Հայաստան, փոխանցում է ՏԱՍՍ գործակալությունը: 

«Թուրքիան Վրաստանին տեսնում է որպես տարածաշրջանային համագործակցության բանալի: Հավատում ենք, որ կկարողանանք տարբեր աշխատանքներ իրականացնել, որոնք կուժեղացնեն և կմեծացնեն խաղաղությունն ու կարևորությունը մեր տարածաշրջանում: Վերոնշյալում շատ կարևոր է Ադրբեջանի հետ եռակողմ համագործակցությունը: Մենք աջակցում ենք ցանկացած եռակողմ համագործակցության՝ լինի դա Վրաստան-Ադրբեջան-Հայաստան, թե Վրաստան-Ադրբեջան-Թուրքիա»,- ասել է Էրդողանը Վրաստանի վարչապետ Իրակլի Ղարիբաշվիլիի հետ Անկարայում կայացած հանդիպման ավարտին:

Թուրքիայի ղեկավարը նաև հայտարարել է, որ որոշում է կայացվել կարճատև ժամկետներում Վրաստանի մասնակցությամբ բարձրագույն ռազմավարական խորհրդի անցկացման մասին:  

Հիշեցնենք, որ Վրաստանի վարչապետը երեքշաբթի աշխատանքային այցով մեկնել է Թուրքիա: