Սա Քոչարյանի հոգեզավակն է. Զուրաբյանը՝ Փաշինյանի մասին
«Հայ ազգային կոնգրես» կուսակցության փոխնախագահ Լևոն Զուրաբյանը ֆեյսբուքյան իր էջում անդրադարձել է Նիկոլ Փաշինյանի հայտարարությանը կապված առաջին նախագահ Լևոն Տեր-Պետրոսյանի հետ ու նրան անվանել «Ռոբերտ Քոչարյանի հոգեզավակ»։
«Հենց նոր մեծն պատուհաս Նիկոլ Փաշինյանը ասեց հետեւյալը. «Լեւոն Տեր-Պետրոսյանի պատկերացումը Ղարաբաղն Ադրբեջանին տալն էր»: Բա որ ասում ենք` սա Ռոբերտ Քոչարյանի հոգեզավակն է. երկուսն էլ բառացիորեն նույն սուտն են ասում ու նույն քարոզչությունը տանում», - գրել է ՀԱԿ փոխնախագահը։
Գրառմանը կից Զուրաբյանը հրապարկել է «Հայկական ուսումնասիրությունների ԱՆԻ հիմնադրամ»-ի կայքում հրապարակված իր «Ճշմարտությունը սրբխեչի ուլ չի, որ էդքան հեշտ մատաղ անեք, կամ` ճշմարտությունը խաղաղ բանակցությունների մասին - 2» վերտառությամբ հոդվածը։ Հոդվածը վերաբերում է Լեռնային Ղարաբաղի հակամարտության կարգավորման բանակցություններին։
