Կարող ենք մի քանի օրում առանց նախապայմանների զորքերը սահմանից հանել, մինչև դիտորդները կգան. Նիկոլ Փաշինյան

Մենք այսօր միջազգային հանրությանը հստակ ասում ենք՝ սահմանի խնդիր կա՞, մենք հետ ենք քաշվում, թող այնտեղ ոչ ադրբեջանցի զինվոր լինի, ոչ՝ հայ: Միջազգային դիտորդները գալիս են, գնում ենք փաստաթղթերով նայում ենք, տեսնում ենք, թե այդ հատվածում սահմանը ոնց է անցնում: Այս մասին Աջափնյակում իր փոքրաթիվ աջակիցների հետ հանդիպմանը հայտարարեց Նիկոլ Փաշինյանը:

Փաշինյանը նշեց, որ մի քանի օրվա մեջ կարելի է ընդհանրապես առանց նախապայմանների զորքերը հետ քաշել, մինչև դիտորդները կգան. «Ընդ որում, ադրբեջանական կողմից այնտեղ բնակչություն չկա, մեր ժողովուրդն էլ թող տանի իր հոտերն արածեցնի: Դիտորդները կգան ու խնդիրը բան կանենք»: