Մոտ1000 ադրբեջանցի զինվորական կա Հայաստանի տարածքում. ԳՇ պետի տեղակալ
Ներկա դրությամբ Հայաստանի տարածքում է գտնվում Ադրբեջանի զինված ուժերի մինչև 1000 զինծառայող։ Այս մասին մայիսի 27-ին լրագրողների հետ զրույցում ասաց ԶՈՒ գլխավոր շտաբի պետի տեղակալ Էդվարդ Ասրյանը։
«Նշված զինծառայողները մեր տարածքում լուրջ խնդիրներ կատարելու հնարավորություններ չունեն։ Եթե հարցին լուծում տանք ռազմական ճանապարհով, ապա այդ 1000 զինծառայողները մեր տարածքից դուրս գալ չեն կարող՝ մենք կոչնչացնենք բոլորին անխտիր կերպով»,- ընդգծեց Ասրյանը։
