Լեռնագոգ գյուղում բետոնե առաստաղը փլուզվել և ընկել է «Hyundai Sonata» մեքենայի վրա․ ԱԻՆ
Մայիսի 26-ին, ժամը 16։04-ին Արմավիրի մարզային ճգնաժամային կառավարման կենտրոն ահազանգ է ստացվել, որ Լեռնագոգ գյուղի 1-ին փողոցում գտնվող շենքերից մեկի հետնամասում ավտոտնակի բետոնե առաստաղը փլուզվել և ընկել է ավտոմեքենայի վրա:
ԱԻՆ-ը նշում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները փլուզված բետոնե ծածկը հեռացրել են «Hyundai Sonata» մակնիշի ավտոմեքենայի վրայից և ավտոմեքենան դուրս բերել ավտոտնակից:
