Ուլտրամանուշակագույն ճառագայթումը նորմայից բարձր է լինելու. առաջիկա օրերի եղանակը
ՀՀ ԱԻՆ «Հիդրոմետ» ծառայությունից զգուշացնում են, որ ուլտրամանուշակագույն ճառագայթման ինտենսիվությունը նորմայից բարձր է լինելու: Խորհուրդ է տրվում ժամը 11:00-ից մինչև 17:00-ն ընկած ժամանակահատվածում խուսափել արևի ուղիղ ճառագայթներից:
Հանրապետության տարածքում մայիսի 21-ին, 25-ին սպասվում է առանց տեղումների եղանակ: Մայիսի 22-ին, 24-ի կեսօրից հետո առանձին շրջաններում, 23-ին շրջանների մեծ մասում սպասվում է կարճատև անձրև և ամպրոպ: Առանձին հատվածներում հնարավոր է կարկուտ։
Քամին՝ հարավ-արևմտյան է՝ 5-10 մ/վ արագությամբ, ամպրոպի ժամանակ առանձին շրջաններում սպասվում է քամու ուժգնացում 15-20 մ/վ արագությամբ:
Օդի ջերմաստիճանն մայիսի 20-22-ն աստիճանաբար կբարձրանա 3-5 աստիճանով:
Երևան քաղաքում ևս մայիսի 21-22-ին, 24-25-ը սպասվում է առանց տեղումների եղանակ: Մայիսի 23-ի կեսօրից հետո սպասվում է անձրև և ամպրոպ:
Մայրաքաղաքում մայիսի 21–ի գիշերը սպասվում է 16-18 աստիճան տաքություն, իսկ ցերեկային ժամերին կգրանցվի +34....+36 աստիճան։
