«ՀԱՊԿ-ը փուչիկ է». տեղահանված արցախցինեը ՌԴ դեսպանատան մոտ փուչիկներ պայթեցրեցին
Արցախից տեղահանված քաղաքացիները բողոքի ակցիան են իրականացնում ՀՀ-ում Ռուսաստանի Դաշնության դեսպանատան շենքի դիմաց։
«Այն, որ ՀԱՊԿ-ն վաղուց է փուչիկ, մենք դրա մասին բազմիցս ենք խոսել։ Փուչիկ է այն առումով, որ ՀԱՊԿ-ն չի ծառայում իր կանոնադրական նպատակներին ու խնդիրներին։ Թուրքիան վաղուց է մխրճվել թե Ռուսաստան, թե Ղրղզստան, Ղազախստան, Բելառուս և այլն։ Այս կառույցին կարելի էր այլ անվանում տալ, օրինակ՝ «Ալյանս՝ Թուրքիայի շահերը սպասարկելու համար»։ Հայաստանը այդ կառույցում անելիք չունի»,- լրագրողների հետ զրույցում ասաց ակցիայի մասնակիցներից Մարիամ Ավագյանը։
Ակցիայի մասնակիցները իրենց հետ փուչիկներ են բերել, որոնց վրա գրված է «ՀԱՊԿ»։ Դրանք հերթով պայթեցրին։
