Ավտոմեքենան, առանց որևէ պատճառի հատուկ պահպանվող տարածք (պլաշադկա) տեղափոխվել է ճՈ պետի տեղակալներից մեկի բանավոր ցուցումով. Աթանեսյան
Փաստաբան Տիգրան Աթանեսյանը տեղեկացնում է. «Սա նմանվում է ամենօրյա նորության թարմացմանը, բայց հաշվի առնելով, որ խնդիրը վերաբերում է իրականում մեր շատ համաքաղաքացիների, շարունակեմ՝
Արդեն 6-րդ օրն է, ինչ Հայաստանի կապիկ իշխանությունը ապօրինաբար արգելանքի տակ է պահում դատավոր Ա.Ազարյանի ավտոմեքենան: Ինչպես մեզ հաջողվել է պարզել, ավտոմեքենան առանց որևէ պատճառի հատուկ պահպանվող տարածք (պլաշադկա) տեղափոխվել է ճանապարհային ոստիկանության պետի տեղակալներից մեկի բանավոր ցուցումով՝ առանց որևէ պատճառ նշելու:
Ավտոմեքենայի փաստացի առևանգումը իրականացնող տեսուչները պարզապես կատարել են իրենց ղեկավարի ակնհայտ անօրինական հրամանը:
Տեղափոխելուց հետո, այդ ամենին օրինական տեսք տալու համար, մոգոնեցին «վերասարքավորված խլացուցիչի» հիմար պատմությունը: Ինչպես արդեն նշել եմ, դա իհարկե այդպես չէ, սակայն նույնիսկ այն դեպքում, եթե լիներ վերասարքավորված, ավտոմեքենայի տեղափոխումը հատուկ պահպանվող տարածք օրենքով թույլատրված չէ:
Ճանապարհային ոստիկանության «փայլուն» նոր միտքն է, մի շաբաթից ավտոմեքենան տեղափոխել ԲՄՎ սերվիս, իբր ստուգելու խլացուցիչի վերասարքավորման հանգամանքը:
Երևի արդեն իմաստ չունի նկարագրելու, թե իրավախախտումների, այդ թվում հանցագործությունների, ինչ «բուկետ» են /կներեք արտահայտությանս համար/ հավաքել դրանք:
Այս ամենի հեղինակին պետք է տանել մի որևէ ավտոտեխսպասարկման կետ՝ համակարգչով «ուղեղի դիագնոստիկա» անելու համար»:
