Այսօր դիրքերում ադրբեջանցիների զորքի մոտ մեծ նվազեցում է նկատվել. Արամ Մելքոնյան
Այսօր դիրքերում ադրբեջանցիների զորքի մոտ մեծ նվազեցում է նկատվել։ Այս մասին ArmDaily.am-ի հետ զրույցում ասել է Վարդենիսի քաղաքապետ Արամ Մելքոնյանը։ «Սա մեծ քաղաքականություն է, համայնքի ղեկավարը հազիվ թե կարողանա պատասխանել հարցին, թե ինչով կարող է դա պայմանավորված լինել։ Իհարկե, բոլորս էլ հասկանում ենք, որ պատահականություն չէր այս իրավիճակի ստեղծումը։ Սա մեծ քաղաքականություն է»։
Դիտարկմանը, թե երեկ տեղեկություններ էին տարածվել որ ադրբեջանցիները առաջ էին եկել՝ նա պատասխանեց, որ միայն իր վարչական շրջանի տարածքի համար է պատասխանատու և կարող է ասել, որ Վարդենիս խոշորացված համայնքի դիրքերում որևէ փոփոխություն արդեն 3-րդ օրն է՝ չունենք։ «Այս պահին էլ շատ հանգիստ է սահմանին, ադրբեջանցիների կողմից որևէ ագրեսիա չկա, այսօր և վաղը ակնկալիքներ ունենք մեր դիվանագետներից»,- նշել է նա:
