Փաշինյանի ու Մակրոնի զրույցի մասին երկու պետությունների հաղորդագրություններում տարբերություն կա․ ո՞ր հատվածն է բացակայում

Հայաստանում Ֆրանսիայի դեսպան Ջոնաթան Լաքոթը հրապարակել է Նիկոլ Փաշինյանի հետ Ֆրանսիայի նախագահ Էմանուել Մակրոնի զրույցի վերաբերյալ Ֆրանսիայի նախագահականի մամուլի հաղորդագրությունը.

 «Մայիսի 13-ին Հանրապետության Նախագահը Հայաստանի և Ադրբեջանի սահմանին ընթացող զարգացումների թեմայով հեռախոսազրույց է ունեցել Հայաստանի վարչապետ պարոն Նիկոլ Փաշինյանի հետ։ Հանրապետության Նախագահը հիշեցրել է Ֆրանսիայի հավատարմությունը Հայաստանի տարածքային ամբողջականությանը և ընդգծել Հայաստանի տարածքից ադրբեջանական զորքերի անհապաղ դուրս բերման անհրաժեշտությունը։

Ֆրանսիան ցանկանում է, որ ՄԱԿ-ի Անվտանգության խորհրդի միջոցով հնարավոր լինի լուծում գտնել տարածաշրջանում առկա լարվածության իրավիճակին `այս տարածաշրջանում կայունությունն ու անվտանգությունը վերականգնելու համար»:
 

 ՀՀ կառավարության տարածած հայտարարությունում, հետաքրքրական է, որ նշված չէ ՄԱԿ-ի Անվտանգության խորհրդի հատվածը։