Թշնամին 3 կմ առաջ է եկել նաև Վարդենիսում՝ դեպի Վերին Շորժա գյուղ․ խրամատներ են փորում

Թշնամին երեկվանից դիրքերն առաջ է բերել նաև Վարդենիսում, հաղորդում է Yerkir.am-ը:

Տեղի բնակիչները հայտնում են, որ ադրբեջանցիները սարի վրա պոստերը առաջ են տվել 3 կմ, իջել են ներքև՝ դեպի Վերին Շորժա գյուղ, որտեղ գյուղացիների արոտավայրերն են, խոտհարքերը, ամբողջովին հայկական տարածք է։

«Սարի գլխի պոսերից 3 կմ իջել են ներքև, խրամատներ են փորում այս պահին Վարդենիսի շրջանում»,-մեզ հետ զրույցում ասացին վարդենիսցիները։

AuroraNews-ը փորձեց կապ հաստատել Շողակաթի համայնքի ղեկավարի հետ, սակայն մեր զանգերն անպատասխան մնացին։ ՊՆ-ններկայացուցիչը հայտնեց, որ շուտով պաշտոնական արձագանք կլինի։ Կսպասենք պաշտոնական արձագանքներին։