14:00 Լուրերը մեկ տողով. Ռուսաստանի նախազգուշացումը. ում է ձերբակալել Քննչականը

Անցած ժամվա լուրերը՝ հակիրճ և բովանդակային.

•Խորհրդարանական ընտրությունների ընթացքին խոչընդոտելու նախապատրաստության մեղադրանքով հարուցվել է հանրային քրեական հետապնդում, և ձերբակալվել է «Հայաքվե» միավորման համակարգողը։

•Գորիսի համայնքապետը հերքել է տարածված լուրերը, թե համայնքապետարանում տեղի ունեցած վերջին աշխատանքային ազատումները կապված են ընտրությունների արդյունքների հետ։

•Մոսկվան հայտարարել է Հայաստանի հետ եղբայրական հարաբերությունները շարունակելու պատրաստակամության մասին՝ ընդգծելով ԵԱՏՄ-ի արդյունավետությունը երկրի զարգացման ուղու համար։

•Ռուսաստանի նախագահի մամուլի քարտուղարը նշել է, որ գլոբալ պատերազմի կանխարգելման միակ գործոնն այսօր միջուկային զսպումն է, թեև այն չի բացառում տեղային հակամարտությունները։

•ՀԱՊԿ մշտական խորհրդի նախագահը զգուշացրել է, որ Արևմուտքի և ԱՄՆ-ի կողմից Հայաստանում իրականացվող ռազմաքաղաքական քայլերը կարող են սրել լարվածությունը Հարավային Կովկասում։

•Վարչապետի որոշմամբ ստեղծվել է հատուկ աշխատանքային խումբ՝ բնակավայրերում արձանագրված անոմալ կարկտահարությունների վնասներն ու հակակարկտային կայանների արդյունավետությունը գնահատելու համար։

•Հայաստանը գտնվում է Սևծովյան ցիկլոնի ազդեցության գոտում, ինչի հետևանքով սպասվում է ջերմաստիճանի նվազում, իսկ հուլիսը կլինի համեմատաբար մեղմ և տեղումնառատ։