Պահանջ՝ Բաքվից․ արևմտյան ադրբեջանցիների վերադարձի հարցն արդեն առաջ է շարժվում․ պատգամավոր

Արևմտյան ադրբեջանցիների իրենց պատմական հողեր վերադառնալու հարցն արդեն իսկ իրավականորեն առաջ է շարժվում և արտացոլվում է միջազգային ֆորումներում տարածված և ընդունված փաստաթղթերում։

Այս մասին լրագրողների հետ զրույցում հայտարարել է Միլլի Մեջլիսի պատգամավոր Ռիզվան Նաբիևը՝ «Վերադարձ Արևմտյան Ադրբեջան. պատմական արդարության և մարդու իրավունքների վերականգնում» միջոցառման շրջանակներում, հաղորդում է Report-ը:

Նրա խոսքով՝ արևմտյան ադրբեջանցիների իրենց պատմական հողեր վերադառնալու հարցը վաղուց քննարկվում է հիմնականում մարդասիրական տեսանկյունից։

«Բազմաթիվ փաստաթղթեր արդեն բաշխվել են ՄԱԿ-ի Անվտանգության խորհրդին և Գլխավոր ասամբլեային, համապատասխան փաստաթղթեր են ընդունվել նաև խորհրդարանական դիվանագիտության, Չմիավորման շարժման և այլ միջազգային կազմակերպությունների շրջանակներում», - ասել է  պատգամավորը։