ՊՆ նախկին նախարարի մեղադրանքը ՀՔԾ-ն վերաորակել է

Պաշտպանության նախկին նախարար Միքայել Հարությունյանի մեղադրանքը Հատուկ քննչական ծառայությունում վերաորակվեց:

Հարությունյանն այժմ ՀՀ քրեական օրենսգրքի 300.1 հոդվածի՝ սահմանադրական կարգը տապալման փոխարեն որպես մեղադրյալ է ներգրավվել նույն օրենսգրքի 309 հոդվածի 3-րդ մասով, այն է՝ պաշտոնեական լիազորություններն անցնելը, որն անզգուոշությամբ առաջացրել է ծանր հետևանքներ:

Տեղեկությունը Auroranews-ի հետ զրույցում ՀՀ հատուկ քննչական ծառայությունից հաստատեցին։
 

Հիշեցնենք, որ 2008-ի մարտի 1-ի իրադարձությունների ժամանակ ՀՀ պաշտպանության նախարարի պաշտոնը զբաղեցրած Միքայել Հարությունյանի գործով դատավարական ղեկավարում իրականացնող դատախազի կողմից վարույթն իրականացնող մարմնին տրվել է ցուցում առաջադրված մեղադրանքը  վերաորակելու և նոր մեղադրանք առաջադրելու հարցը լուծելու նպատակեով կատարել անհրաժեշտ քրեադատավարական գործողություններ: