Մայիսի 4-ին Արցախի դեմ ռազմական գործողություններին ներգրավված ահաբեկիչներից 2-ը կկանգնեն դատարանի առաջ
Մայիսի 4-ին, ժամը 11։30-ին Սյունիքի մարզի ընդհանուր իրավասության դատարանում տեղի կունենա Արցախի դեմ ռազմական գործողություններին ներգրավված վարձկան 2 ահաբեկչի դատական առաջին նիստը: Այս մասին NEWS.am-ին հայտնել է Դատախազության Հանրային կապերի բաժնի պետ Արեւիկ Խաչատրյանը։
Հիշեցնենք, որ ապրիլի 27-ին Սյունիքի մարզի ընդհանուր իրավասության դատարանում տեղի ունեցած նիստում դատարանի որոշմամբ երկու վարձկան ահաբեկիչների խափանման միջոց կալանքը մնացել է անփոփոխ:
