Փաշինյանի փաստաբանը պահանջում է՝ վերացնել Օնիկ Գասպարյանի գործով հայցի ապահովման միջոց կիրառելու մասին որոշումը

ՀՀ ԶՈՒ ԳՇ նախկին պետ Օնիկ Գասպարյանն ընդդեմ Նիկոլ Փաշինյանի և նախագահ Արմեն Սարգսյանի գործով պատասխանող կողմի՝ Նիկոլ Փաշինյանի ներկայացուցիչը միջնորդություն է ներկայացրել՝ հայցի ապահովման միջոց կիրառելու մասին որոշումը վերացնելու մասին;

Պատասխանող կողմի ներկայացուցիչը ներկայացնելով միջնորդության հիմնավորումները նշեց, որ սահմանադիրը չի նախատեսել իրավունքի ուժով ընդունված ակտերի բեկանման հնարավորություն; Վերջինս նշեց, որ թեև չեն բացառում աշխատանքային իրավունքների վերականգնումը, սահմանադիական այդ կարգավորումները չեն ենթադրում պաշտոնում վերականգնում; Ըստ պատասխանողի՝ չեն կարող արձանագրել դատական ակտի կատարման անհնարինություն կամ դժվարություն, ինչը հայցի ապահովման հիմքն է; Բացի դա՝ փաստաբանն անդրադարձավ նաև ճանաչման հայցին՝ նշելով, որ եթե այդ հայցը վարույթ չընդունվեր, ապա նաև այդ շրջանակներում հայցի ապահովման միջոց կիրառելու հարցը չէր քննարկվի;

Փաստաբանի խոսքով՝ հայցի ապահովման կիրառմամբ խախտվել է հանրային և անձնական շահերի հավասարակշռությունը, որի արդյունքում հանրային շահը ստորադասվել է անձնական շահին; Հայցվոր կողմի ներկայացուցիչ Արամ Օրբելյանն արձանագրեց, որ հայցի ապահովման վերացման միջնորդության հիմքում որևէ նոր հանգամանք, նոր փաստ, նոր տեղեկություն, որը դատարանին հայտնի չի եղել, չի դրվում; Հայցվոր կողմի ներկայացուցիչը հարցեր ուղղելով պատասխանողին՝ հետաքրքրվեց՝ միջնորդության հիմքում որևէ նոր հանգամանք դրված չէ, դրված է միայն այն, ըստ պատասխանողի, դատարանի կողմից դատական սխալը, որը փաստաբանը խնդրում է ուղղել, ինչին ի պատասխան փաստաբանը դրական արձագանքեց;

Ինչպես ավելի տեղեկացրել ենք՝ ՀՀ ԶՈՒ ԳՇ պետ Օնիկ Գասպարյանը երեք հայցադիմում է ներկայացրել ՀՀ վարչական դատարան՝ վիճարկելով իրեն ԳՇ պետի պաշտոնից ազատելու որոշման իրավաչափությունը։ Ներկայացված հայցադիմումներից մեկի շրջանակներում ՀՀ վարչական դատարանը բավարարել է հայցի ապահովման միջոց կիրառելու մասին փաստաբանի միջնորդությունը, ինչը ենթադրում է, որ Օնիկ Գասպարյանը պետք է պաշտոնավարի մինչև սույն գործով դատարանի վերջնական որոշումը։