Պեսկովը հայտնել է՝ որն է Պուտինի հիմնական հոբբին

ՌԴ նախագահ Վլադիմիր Պուտինի հիմնական հոբբին ընթերցանությունն է, ասել է նրա մամուլի քարտուղար Դմիտրի Պեսկովը «Аргументы и факты» -ին տված հարցազրույցում: «Դա հիմնականում կարող է լինել պատմական գրականություն կամ հուշագրություններ», - ասել է Պեսկովը: Նրա խոսքով՝ Պուտինը բաժանորդագրվում է թերթերի, որոնք գալիս են ինչպես Կրեմլ, այնպես էլ Նովո-Օգարիովո: Բացի այդ, դրանք միշտ ինքնաթիռում կան, ուստի նախագահը հաճախ է աչքի անցկացնում դրանք, երբ ինչ-որ տեղ է մեկնում: Նա նաև ստանում է մամուլի հաղորդագրություններ: Բացի այդ՝ Պուտինը դիտում է ինչպես գերմանական, այնպես էլ անգլալեզու հեռուստաալիքներ:
«Ոչ ամեն օր, բայց, իհարկե, շաբաթը մի քանի անգամ նա անգլերեն է սովորում: Սրանք կարճ, բայց կանոնավոր դասեր են», - ասել է Պեսկովը: