Արկադի Տեր-Թադևոսյանի մոտ առողջական որևէ լուրջ խնդիր չկա. Aysor

Քիչ առաջ տեղեկություն տարածվեց այն մասին, որ Արցախի հերոս, գեներալ-մայոր Արկադի Տեր-Թադեւոսյանը՝ Կոմանդոսը, առողջական լուրջ խնդիրներով Էրեբունի բժշկական կենտրոնում է:

Սակայն Aysor.am-ի՝ հերոսին մոտ կանգնած աղբյուրի փոխանցմամբ՝ Արկադի Տեր-Թադևոսյանի մոտ առողջական որևէ լուրջ խնդիր չկա, նա պարզապես իր հերթական, ամենամյա բուժզննումն է անցնում:

«Բոլորն էլ գիտեն, որ նա շաքարային դիաբետ ունի: Այդ պատճառով ամեն տարի բուժզննում է անցնում ու գարնանային եղանակին սրացումներից խուսափելու նպատակով՝ «սիստեմա» է ընդունում: Այս տարին ևս բացառություն չէ: Այս բուժզննումը ոչ թե բարդությունների պատճառով է, այլ՝ դրանցից խուսափելու նպատակով», - նշեց մեր զրուցակիցը: