Պուտինն ու Էրդողանն առցանց ձևաչափով կմասնակցեն Թուրքիայի «Ակկույու» ատոմակայանի 3-րդ էներգաբլոկի հիմնարկեքի արարողությանը
ՌԴ նախագահ Վլադիմիր Պուտինն ու Թուրքիայի նախագահ Ռեջեփ Էրդողանը տեսակոնֆերանսի ձևաչափով կմասնակցեն Թուրքիայում գտնվող «Ակկույու» ատոմակայանի երրորդ էներգաբլոկի հիմնարկեքի արարողությանը, հաղորդում է ТАСС-ը։
Թուրքիայում երրորդ էներգաբլոկի շինարարության մեկնարկը պատմական իրադարձություն է համարվում։ Ըստ կանխատեսումների՝ Թուրքիան, ներդնելով ծրագրում շուրջ 20 միլիարդ դոլար, շինարարության առաջին փուլում միայն շուրջ 8 միլիարդ դոլար շահույթ է կարողանալու ապահովել։
Թուրքիայի էներգետիկայի նախարարը հայտարարել է, որ նախատեսվում է երրորդ, այժմ՝ կառուցվելիք էներգաբլոկը շահագործման հանձնել 2023 թ., երբ կլրանա Թուրքիայի Հանրապետության հիմնադրման 100֊ամյակը։
Թուրքիայի տարածքում սա առաջին ատոմակայանն է լինելու։ Դրա կառուցումը ռուս֊թուրքական համատեղ նախագիծ է, որի վերաբերյալ միջպետական պայմանագիր կնքվել էր դեռ 2010 թ.֊ին։ Շինարարական աշխատանքներն իրականացնում է Ակկույա նյուքլիըր ընկերությունը, որի բաժնետոմսերը գրեթե ամբողջությամբ պատկանում են ռուսական Ռոսատոմ ընկերությանը։
