Անհետ կորած զինծառայողների և գերիների հարազատները կրկին հավաքվել են Կառավարության դիմաց
Անհետ կորած զինծառայողների և գերիների հարազատները կրկին հավաքվել են Կառավարության դիմաց։ Պահանջը նույնն է՝ ինչ մի քանի ամիս առաջ՝ կառավարությունը չպետք է անգործության մատնվի, պետք է ամեն ինչ անեն՝ գերիների և զոհվածների մարմինների վերադարձի ուղղությամբ։
Մոտ 20 զինծառայողի ծնողներն այս պահին Կառավարության շենքում են, ըստ որոշ տեղեկությունների՝ նրանց է ընդունել Նիկոլ Փաշինյանը: Ծնողներն իրենց հետ բերել են որդիների լուսանկարները, որպեսզի որոնողական աշխատանքներին օժանդակեն:
Հիշեցնենք, որ փետրվարի 15-ից որոնողական աշխատանքները ադրբեջանական հատվածներում դադարեցված էին, սակայն այսօր՝ ԱՀ ԱԻՊԾ-ի մասնակցությամբ, այդ աշխատանքները կրկին վերսկսվել են։
