Նման նախագիծ չէի ցանկանա նույնիսկ թշնամուս. Սերժ Սարգսյանը խոսել է Փաշինյանի՝ իր պրոյեկտը լինելու մասին

Ես նման նախագիծ չէի ցանկանա նույնիսկ թշնամուս, ուր է, թե ինձ համար այդպիսի անհեթեթություն խզբզեի: Այս մասին ասել է նախկին նախագահ Սերժ Սարգսյանը՝ «Արմնյուզ»  հեռուստաալիքին տված հարցազրույցում մեկնաբանելով այն դիտարկումը, որ տարածված վարկածի համաձայն՝ Նիկոլ Փաշինյանն իր պրոյեկտն է:  

ՀՀ 3-րդ նախագահի գրասենյակի հաղորդմամբ՝ ՀՀ 3-րդ նախագահ, ՀՀԿ առաջնորդ Սերժ Սարգսյանը խոսել է օրախնդիր թեմաների՝ ԼՂ հակամարտության կարգավորման բանակցային գործընթացի, արցախյան վերջին պատերազմում ՀՀ դիվանագիտական և ռազմաքաղաքական ձախողումների՝ կապիտուլյացիայի պատճառների և հետևանքների, ստեղծված իրավիճակից ելքի ու ապագային միտված ծրագրերի մասին:  

«Երբ այս խելապակաս իշխանությունները հրաժարվեցին մեր ձեռքեբրումներից և սկսեցին Ալիևից տեղեկանալ բանակցային պատմության մասին, արդեն ինձ համար հասկանալի էր, որ մենք գնում ենք դեպի պարտություն, որ մենք գնում ենք դեպի պատերազմե,- նշել է Սերժ Սարգսյանը՝ անդրադառնալով Նիկոլ Փաշինյանի ու Ալիևի հարաբերություններին:

«Եթե Ալիևի քայլերը կապիտուլյանտը համարում է կառուցողական, ապա նա պետք է բացատրի՝ այդ ո՞ր քայլերը՝ ռազմական գործողություններ սկսե՞լը, ինչ-որ գաղտնի պայմանավորվածություննե՞ր են եղել, թե՞ ինչ-որ գաղտնի խոստումներ են տվել իրար»,- ասել է Սերժ Սարգսյանը:

Հեռուստաընկերությունը հրապարակել է հարցազրույցի անոնսը, նշվում է, որ այն եթերում կլինի շուտով: