Սուքիասյանը ոչ մի առնչություն չունի ադամանդագործության հետ. խոսնակը՝ շրջանառվող լուրերի մասին

Հարգելի գործընկերներ, քիչ առաջ անհայտ ծագման մի աղբյուրից կեղծ լուր է տարածվել, որն արտատպվում է նաև որոշ կայքերում:

Պաշտոնապես հայտարարում ենք, որ Խաչատուր Սուքիասյանը ոչ մի առնչություն չունի ադամանդագործության հետ, որևէ գործարան չի պատկանում Սուքիասյանների ընտանիքին, և տարածված տեղեկություններն ակնհայտ սուտ են։ Դրանք նպատակ ունեն Սուքիասյանների բարի համբավն արատավորելու: Այս մասին հայտնում է Խաչատուր սուքիասյանի մամուլի խոսնակ Աննա Մկրտչյանը: 

«Հարկ ենք համարում նշել նաև, որ Սուքիասյանների համար անընդունելի են բոլոր նրանք, ովքեր խուսափում են հարկեր վճարելուց և խաբում են պետությանը: Մեզ համար անընդունելի է նաև խոսքի ազատության անվան տակ դիտավորությամբ կեղծ և հորինված լուրեր տարածելը»,գրել է նա:

Հիշեցնենք, որ համացանցում լուրեր տարախվեցին այն մասին, որ 2021թ. հունվարի 29-ին ԱԱԾ-ն բերման էր ենթարկել Էկոնոմիկայի նախարարության լիցենզավորման և թույլտվությունների վարչության պետին՝ մաքսանենգ ճանապարհով ադամանդ ներկրած ընկերության հարկերը թաքցնելուն աջակցելու մեղադրանքով: Մաքսանենգ ադամանդ ներկրած ընկերությունը «ADM դայմոնդս» ընկրությունն է, որի իրական սեփականատերը Նիկոլ Փաշինյանի մերձավոր օլիգարխ Խաչատուր Սուքիասյանն է: Եվ դա է պատճառը, որ ԱԱԾ հաղորդագրության մեջ անգամ ընկերության անուն չի նշվել. միակ թիրախը հենց նախարարության պաշտոնյան է դարձել: