Մամուլից եմ ծանոթացել այս անհեթեթության մասին. Հովհաննիսյանը՝ իր գեներալի կոչման լուրերի մասին

Մամուլից եմ ծանոթացել այս անհեթեթության մասին: Այս մասին  Auroranews-ի հետ զրույցում ասաց  Արծրուն Հովհաննիսյանը՝ հերքելով մամուլում շրջանառվող լուրերը այն մասին, թե ինքը կստանա գեներալի կոչում և կնշանակվի Վազգեն Սարգսյան ռազմական համալսարանի պետ: 

«Նախ եւ առաջ ներկա պահին բուժումների մեջ եմ եւ մամուլից եմ ծանոթացել այս անհեթեթության մասին: Ես դեռ գնդապետի կոչում չեմ ստացել, սակայն առաջիկայում դեռ պիտի ստանամ գնդապետի կոչում, այդ իսկ պատճառով գեներալի կոչում միանգամից ստանալու նման ընթացակարգ չկա եւ չի կարող լինել: Նման հայտարարություններն ունեն սադրիչ բնույթ: Վազգեն Սարգսյան ռազմական համալսարանի պետ Խաչատուր Խաչատրյանի հետ ունեմ շատ լավ ընկերական հարաբերություններ, ինքը համալսարանի լավ պետ է և միասին ունենք բազում լավ պլաններ: Նման հայտարարություններին ուշադրություն մի դարձրեք»,-ասաց Հովհաննիսյանը:

Հիշեցնենք, որ այսօր համացանցում տարածված տեղեկության համաձայն Արծրուն Հովհաննիսյանը կստանա գեներալի կոչում, ինչպես նաև նոր պաշտոն՝ մասնավորապես  Վազգեն Սարգսյան ռազմական համալսարանի պետ: