![Արայիկ Հարությունյանն ու Սամվել Բաբայանի «Միասնական հայրենիքը» կուլիսային առեւտուր են անում. «Հրապարակ»](https://auroranews.am/storage/img/base_image/old/fbc82170ec59d012233e91f4217eaea0.webp)
Արայիկ Հարությունյանն ու Սամվել Բաբայանի «Միասնական հայրենիքը» կուլիսային առեւտուր են անում. «Հրապարակ»
![Արայիկ Հարությունյանն ու Սամվել Բաբայանի «Միասնական հայրենիքը» կուլիսային առեւտուր են անում. «Հրապարակ»](https://auroranews.am/storage/img/base_image/old/fbc82170ec59d012233e91f4217eaea0.webp)
Չնայած Արցախի ԱԽ նախկին քարտուղար Սամվել Բաբայանը հրաժարվեց պաշտոնից եւ հայտարարեց Արայիկ Հարությունյանի հետ համագործակցության հուշագիրը չեղարկելու մասին, սակայն ԱԺ-ում նրա ղեկավարած «Միասնական հայրենիք» կուսակցությունն ամբողջությամբ սպասարկում է Հարությունյանի շահերը եւ շարունակում համագործակցությունը։
Հարությունյանն ինքն է ղեկավարում այդ ուժը, անհնազանդություն դրսեւորողներին անգամ պատժում։ Նախօրեին տեղեկացանք, որ ՄՀ խմբակցության ղեկավար Մարսել Պետրոսյանին փոխարինել են Գագիկ Բաղունցով։
Պարզվում է՝ Պետրոսյանն ավելի ընդդիմադիր է եւ ասել է, որ չեն աջակցելու Հաշվեքննիչ պալատի նախագահի՝ Արայիկ Հարությունյանի թեկնածու Վահրամ Բաղդասարյանին, քվեարկության պատկերն էլ ցույց է տվել, որ 9 հոգանոց խմբակցությունից տրամաբանական հաշվարկով 6-ն են կողմ եղել։
«Այո, «Միասնական հայրենիքն» այսօր ամբողջ ուժով լծված է Արայիկ Հարությունյանի իշխանության ամրապնդման գործընթացին, կուլիսային առեւտուր են անում, իսկ առեւտուր անելով պետություն չեն կառուցում, այլ վաճառում են։ Վստահ եմ՝ ՀՊ հաջորդ թեկնածուն ՄՀ-ից է լինելու։ Ինչ վերաբերում է Մարսել Պետրոսյանի փոփոխությանը, այո, ինքը նախապես ինձ հետ համաձայնել էր, որ ճիշտ է, որ չպետք է Բաղդասարյանը զբաղեցնի այդ պաշտոնը, ինձ թվում է՝ փոփոխությունն էլ հենց դրանով էր պայմանավորված, որ դեմ էր իշխանական թեկնածուին»,- ասաց ԱՀ պատգամավոր Դավիթ Գալստյանը»: Այս մասին գրում է «Հրապարակ» թերթը :