ԱԱԾ-ն Փաշինյանին զգուշացրել է ռիսկերի մասին. ներկա փուլում ընտրությունները նպաստավոր չեն լինի. «Փաստ»
Թերթի տեղեկություններով, արտահերթ ընտրությունների հետ կապված ԱԱԾ-ից Նիկոլ Փաշինյանին է ներկայացվել տեղեկանք, որ ներկա փուլում ընտրությունների հապշտապ անցկացումն իշխանությունների համար այնքան էլ նպաստավոր չէ եւ իր մեջ լուրջ ռիսկեր է պարունակում։
Խնդիրը միայն իշխանությունների գրեթե զրոյական վարկանիշը չէ. բանն այն է, որ ըստ ներկայացված տեղեկանքի, ստեղծված իրավիճակում ընտրությունների անցկացումը կարող է հանգեցնել անդառնալի հետեւանքների՝ ընդհուպ լուրջ բախումների։
Ըստ աղբյուրների, նշվել է, որ հանրության մեջ ներկայումս բավականին լարված եւ բեւեռացված վիճակ է, եւ ցանկացած պահի հակադիր բեւեռների հետ կոնտակտ կարող է հանգեցնել լուրջ բախման։ Ունեցած տեղեկությունների համաձայն, դեռեւս վերջնական ոչինչ հստակեցված չէ»: Այս մասին գրում է «Փաստ» օրաթերթը:
