Լոռու մարզում ավտոմեքենայի անիվի պայթելու հետեւանքով վարորդը բախվել է պատին. կա վիրավոր
Լոռու մարզում երեկ՝ փետրվարի 4-ին, ժամը 06:30-ի սահմաններում Օձուն համայնքի բնակիչ, 60-ամյա Արամ Ա.-ն Օձուն գյուղի սկզբնամասում՝ գազալցակայանի հարեւանությամբ, իր վարած ВАЗ 2101 մակնիշի ավտոմեքենայի առջեւի աջ անիվի պայթելու հետեւանքով բախվել է պատին: Այս մասին հաղորդում է shamshyan.com-ը։
Վթարի հետեւանքով Արամ Ա.-ն բժշկական օգնություն ստանալու նպատակով տեղափոխվել է «Ալավերդի» բժշկական կենտրոն:
Փաստի առթիվ նյութեր են նախապատրաստվում:
